„Ég hef alltaf átt í mjög skrítnu sambandi við hræðslutilfinninguna sem fylgir því að gera mistök,“ segir Halldór Smári Sigurðsson í Dagmálum á mbl.is.
Halldór var hluti af liði Víkings sem varð Íslands og bikarmeistari á liðnu tímabili. Halldór var eins og klettur í vörn Víkings í allt sumar.
Víkingur varð Íslandsmeistari í lok september þar sem liðið vann Leikni í lokaumferðinni og tryggði sér þann stóra. Dagarnir fyrir leikinn reyndust Halldóri erfiðar.
„Ég hélt þessu inn í mér fyrstu dagana og talaði ekki við neinn. Á miðvikudeginum fann ég bara að ég var að springa og það var mjög gott að geta talað um þetta við kærustuna mína sem vinnur sem hjúkrunarfræðingar á Kleppi og hefur mikla reynslu í svona aðstæðum,“ segir Halldór á mbl.is.
Til að róa taugarnar fékk Halldór lyf sem gerðu honum kleyft að hvílast. „Ég tók bæði kvíðalyf og svefntöflur til þess að geta sofið og vikan í aðdraganda Leiknisleiksins var í einu orði sagt hræðileg.“