Fjöldi liða í ensku úrvalsdeildinni hefur hópað sig saman til að leigja einkaflugvélar til að koma leikmönnum heim í tæka tíð fyrir helgina.
Leikið verður í Suður-Ameríku í kvöld en fjöldi leikmanna í ensku úrvalsdeildinni á svo leiki á laugardag.
Þannig munu Liveprool, Manchester City og United hafa sett saman í púkk til að leigja vél fyrir leikmenn sína hjá Brasilíu og Úrúgvæ. Liðin mætast í kvöld.
United er með Fred og Edinson Cavani í þeim leik, City er með Ederson og Gabriel Jesus. Þá er Liverpool með Alisson og Fabinho. Fara allir þessir sex menn saman í flugvél. Chelsea þarf svo að koma Thiago Silva heim og Aston Villa er með Douglas Luiz í leiknum.
Í heildina eru sextán leikmenn í Suður-Ameríku úr deildinni. Leikmenn Liverpool hafa aðeins 35 klukkutíma til að safna kröftum frá leik í Suður-Ameríku áður en liðið mætir Watford á laugardag. Óvíst er hvort þeir taki þátt í leiknum.
Liverpool: Fabinho, Alisson. Man City: Ederson, Gabriel Jesus. Man Utd: Edinson Cavani, Fred.
Aston Villa: Emi Martinez, Douglas Luiz. Chelsea: Thiago Silva. Leeds: Raphina.
Tottenham: Christian Romero, Giovani Lo Celso, Emerson Royal, Davinson Sanchez.
Newcastle: Miguel Almiron. Everton: Yerry Mina.
