Anthony Martial og Axel Tuanzebe urðu fyrir kynþáttaníði á samfélagsmiðlum í gær. Manchester United mistókst að endurheimta toppsæti deildarinnar og tapaði óvænt fyrir Sheffield United í ensku úrvalsdeildinni í gær. Kean Bryan kom Sheffield United yfir með marki á 23. mínútu eftir stoðsendingu frá John Fleck.
Harry Maguire, jafnaði leikinn fyrir Manchester United með marki á 64. mínútu eftir stoðsendingu frá Alex Telles. Leikmenn Sheffield United neituðu hins vegar að leggja árar í bát. Oliver Burke tryggði liðinu sigur með marki á 74. mínútu eftir stoðsendingu frá John Lundstram.
Heldur betur óvæntur sigur Sheffield sem er eftir leikinn í neðsta sæti deildarinnar með 8 stig. Manchester United er í 2. sæti með 40 stig.
Eftir leik fengu Martial og Tuanzebe ljót og niðrandi skilaboð um hörundslit sinn, svo ljót voru skilaboðin að Tuanzebe sem byrjaði leikinn í hjarta varnarinnar eyddi Twitter síðu sinni.
Kynþáttaníð á samfélagsmiðlum kemur ítrekað upp þegar kappleikir eiga sér stað, margir leikmenn hafa gripið til þess ráðs að eyða síðunum sínum til að sjá ekki viðbjóðinn.
After last night's game, Tuanzebe and Martial have been subjects of racial abuse. Criticism is okay but racism is never okay. We are all disappointed but that's the nature of the game. Equal game
— Explaining FT (@ExplainngFT) January 28, 2021
Woke up this morning and read that Axel Tuanzebe has deleted his twitter account due to racial abuse. A) call yourself a #mufc fan
B) call yourself a fucking humanAbsolutely disgusting how some people function. Shame @Twitter don't do anything about #racism EVER
— Ryan Brook (@brook_ryan) January 28, 2021
Enski boltinn á 433 er í boði 
