Föstudagur 05.mars 2021
433Sport

Markmið Þorsteins er að skrifa nýjan kafla í söguna – „Ég hefði ekki viljað vera í stöðu Arnars“

Hörður Snævar Jónsson
Fimmtudaginn 28. janúar 2021 13:59

Mynd - Sigtryggur Ar

Ekki missa af Helstu tíðindum dagsins í pósthólfið þitt

Lesa nánar

„Ég er mjög spenntur fyrir þessu starfi og það er ástæða þess að ég tók það að mér,“ sagði Þorsteinn Halldórsson nýr landsliðsþjálfari kvenna. Hann var ráðinn til starfa í dag og mun stýra liðinu næstu tvö árin.

Jón Þór Hauksson kom liðinu inn á Evrópumótið á síðasta ári en sagði starfi sínu lausu eftir trúnaðarbrest við leikmennina. Þorsteinn hefur unnið gott starf með Breiðablik síðustu ár og gerðið liðið að Íslandsmeisturum í þrígang.

„Liðið er á góðum stað, ég hefði líka tekið starfið að mér ef það væri uppbygging að hefjast. Þetta er spennandi hópur og verður örugglega mjög gaman að starfa með þeim.“

Þorsteinn var á leið inn í sitt sjöunda tímabil sem þjálfari Breiðabliks þegar hann lét af störfum til að taka við landsliðinu. „Ég var ekki að leita að nýrri áskorun, ég leit á þetta þannig að kannski kemur þetta tækifæri ekki aftur. Mig langar að láta á þetta reyna og stökk á tækifærið. Svo kemur í ljós hvernig þetta gengur.“

„Ég hef trú á sjálfum mér, þjálfarar þurfa að hafa trú á sér alveg eins og íþróttamennirnir sjálfir. Ég hef fulla trú á sjálfum mér að ég geti gert góða hluti.“

Ljóst er að það kemur illa við Breiðablik að Þorsteinn láti af störfum á þessum tímapunkti árs, flestir bestu þjálfarar landsins eru í starfi.

„Þetta er ekki draumastaða fyrir þá, vonandi leysa þeir þetta fljótt og vel. Ég vel þakka þeim fyrir að hafa gert þetta svona, ég var samningsbundinn þar. Það var heiður að þeir skildu samþykkja þetta svona.“

Mynd – Sigtryggur Ar

Áskorunin að koma liðinu á EM:

Þorstein segir áskorunina fyrir sig vera að koam liðinu á HM, liðið er komið á EM 2022 en Þorsteinn setur stefnuna á HM 2023. „Stærsta áskorunin er að koma liðinu á HM, ég þarf ekki að hafa áhyggjur af EM sætinu. Það er stærsta áskorunin að komast á HM, fókusinn á þessu ári fer í það. Við erum ekkert að hugsa um EM sem slíkt. Þetta eru auðvitað sérstakar aðstæður.“

Liðið er á leið inn á sitt fjórða Evrópumót í röð en engum íslenskum þjálfara hefur tekist að koma liðinu inn á Heimsmeistaramótið

„Leikmenn þurfa að hugsa um að standa sig vel til að vera í liðinu, þú þarft að spila vel hjá félagsliði til að komast í liðið. Leikmenn geta ekki hugsað um að standa sig á EM 2022. Við eigum að hugsa um undankeppni HM, hún er fyrst og við þurfum að standa okkur það til að vera klár í EM.“

Mynd – Sigtryggur Ari

Þorstein fær fjölda æfingaleikja áður en hann fer af stað í undankeppni HM. „Það er gott fyrir okkur, það hefði ekki verið draumurinn að fara beint í mótsleiki. Þetta verða vonandi sex til sjö leiki, við höfum ágætis tíma til að undirbúa liðið. Ég hefði ekki viljað vera í stöðu Arnars (Þórs Viðarsson, þjálfara karlalandsliðsins) sem fer beint í mótsleiki.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 9 klukkutímum

Tölfræðin um hörmungar Liverpool – Verri árangur en Moyes náði hjá United

Tölfræðin um hörmungar Liverpool – Verri árangur en Moyes náði hjá United
433Sport
Fyrir 9 klukkutímum

Klopp hafði öskrað á Salah sem hlustaði ekki – Umboðsmaður Salah blandar sér í málið

Klopp hafði öskrað á Salah sem hlustaði ekki – Umboðsmaður Salah blandar sér í málið
433Sport
Fyrir 22 klukkutímum

Gylfi átti stoðsendingu í sigri Everton – Tottenham hafði betur gegn Fulham

Gylfi átti stoðsendingu í sigri Everton – Tottenham hafði betur gegn Fulham
433Sport
Fyrir 23 klukkutímum

Tók Gylfa aðeins 43 sekúndur að hafa áhrif til hins betra á leik Everton

Tók Gylfa aðeins 43 sekúndur að hafa áhrif til hins betra á leik Everton
433Sport
Í gær

Jóhann Berg heill heilsu á nýjan leik – Gæti komið við sögu gegn Arsenal

Jóhann Berg heill heilsu á nýjan leik – Gæti komið við sögu gegn Arsenal
433Sport
Í gær

Taka saman laun allra hjá Manchester United – Bruno aðeins í sjöunda sæti

Taka saman laun allra hjá Manchester United – Bruno aðeins í sjöunda sæti