Félagsskipti Mesut Özil frá Arsenal til Fenerbache verða staðfest á næstu dögum. Leikmaðurinn hefur spilað með Arsenal síðan árið 2013 og birti í dag kveðju til stuðningsmanna liðsins.

„Frá fyrstu stundu hefur mér liðið eins og heima hjá mér. Það var tekið á móti mér með opnum örmum af starfsliði Arsenal, liðsfélögum og það sem mestu máli skiptir, af stuðningsmönnum. Ég mun alltaf vera þakklátur fyrir það traust sem ég fékk frá Arsene Wenger,“ er meðal þess sem Özil ritar til stuðningsmanna félagsins.

Hjá Arsenal spilaði Özil 254 leiki, skoraði 44 mörk og gaf 77 stoðsendingar. Þá varð hann enskur bikarmeistari með liðinu í fjórgang.

„Þrátt fyrir að ég muni ekki spila aftur fyrir félagið þá mun ég ávallt styðja það í öllum leikjum. Ég verð stuðningsmaður Arsenal allt mitt líf, á því liggur enginn vafi,“ skrifaði Mesut Özil í kveðju til stuðningsmanna Arsenal

Síðasti leikur Özil fyrir Arsenal kom í mars árið 2020. Hann hefur verið utan hóps í öllum helstu keppnum sem félagið tekur þátt í á þessu tímabili og var ekki í áætlunum Mikel Arteta, knattspyrnustjóra félagsins.

„Síðustu mánuðir hafa ekki verið auðveldir. Eins og allir aðrir leikmenn vill ég spila hverja einustu mínútu. Það er hins vegar þannig í lífinu að hlutirnir eru ekki alltaf eins og maður vill að þeir séu. Það er hins vegar mikilvægt að líta á ljósu punktana,“ skrifaði Özil um síðustu mánuði.

Thank you, Gunners! ❤️ #YaGunnersYa pic.twitter.com/lkVI2qHC6X

— Mesut Özil (@MesutOzil1088) January 24, 2021

Enski boltinn á 433 er í boði