Ólafur Ingi Skúlason er hættur sem spilandi aðstoðarþjálfari Fylkis í efstu deild karla. Frá þessu segir Bjarni Helgason blaðamaður Morgunblaðsins.
Samkvæmt heimildum mbl.is mun Ólafur taka við þjálfun U19 ára landsliðs karla og U15 ára landsliðs kvenna.
Þorvaldur Örlygsson lét af störfum sem þjálfari U19 ára landsliðs karla síðast haust og hafði verið leitað að eftirmanni hans.
Ólafur Ingi gekk í raðir Fylkis árið 2018 eftir að hafa átt farsælan feril sem atvinnumaður og landsliðsmaður Íslands, hann leggur skóna nú á hilluna 37 ára gamall.
Ólafur lék 36 A-landsleiki á ferli sínum en hann lék sem atvinnumaður á Englandi, í Svíþjóð, Danmörku, Belgíu og Tyrklandi