Frank Lampard stjóri Chelsea þarf að óttast um starf sitt ef Chelsea tapar gegn Leicester á útivelli í ensku úrvalsdeildinni í kvöld. Það er Talksport sem heldur þessu fram.
Chelsea heimsækir Leicester klukkan 20:15 í kvöld en Chelsea vann nauman sigur á Fulham um liðna helgi.
Chelsea situr í sjöunda sæti deildarinnar með 29 stig en liðið er þó aðeins átta stigum á eftir toppliði Manchester Untied.
Eftir góða byrjun hefur hallað undan fæti hjá Chelsea og segir Talksport að Chelsea gæti rekið Lampard ef illa fer í kvöld.
Lampard fékk að eyða miklum fjármunum í lið sitt síðasta sumar þegar félagið keypti Ben Chilwell, Hakim Zieych, Kai Havertz og Timo Werner og að auki kom Thiago Silva á frjálsri sölu.