Zlatan Ibrahimovic var minna en sáttur með nýliða AC Milan þegar að hann spilaði sinn fyrsta leik fyrir liðið á dögunum.
Pierre Kalulu sem gekk til liðs við AC Milan síðastliðið sumar hefur staðið sig vel á tímabilinu og eru stærri lið í Evrópu með augastað á leikmanninum sem spilar sem miðvörður en getur einnig leyst af stöðu hægri bakvarðar.
Í fyrsta leik sínum fyrir AC Milan mætti hann til leiks klæddur vettlingum sem Zlatan virtist ekki of sáttur með og segir honum að fara úr þeim.
„Taktu þá af núna þú ferð ekki að hræða framherja deildarinnar klæddur vettlingum“ segir Zlatan.
Þeir sem þekkja til Zlatans vita að ef Zlatan talar þá hlýðir þú en 39 ára gamall Zlatan hefur gert 10 mörk í 7 leikjum á þessu tímabili.
AC Milan trónir á toppi Seria A með 40 stig eftir 17 umferðir.
