Manchester United getur komist á topp ensku úrvalsdeildarinnar í fyrsta sinn í 40 mánuði á morgun, United situr í öðru sæti deildarinnar með 33 stig líkt og Liverpool sem situr á toppnum.
United á leik til góða og getur stigið skrefið á toppinn gegn Burnley í ensku úrvalsdeildinni á morgun.
United komst síðast á topp deildarinnar í september árið 2017 þegar liðið gerði 2-2 jafntefli við Stoke á útivelli, liðið var þá undir stjórn Jose Mourinho.
Manchester City vann 5-0 sigur á Liverpool degi áður og komust á toppinn með 10 stig eftir fjóra leiki. United fór á toppinn á markatölur, liðið hafði unnið fyrstu þrjá leikina með markatöluna 10-0.
Fimm af þeim sem byrjuðu þann leik eru farnir frá United í dag en David De Gea og Marcus Rashford eru þeir einu sem eru algjörir lykilmenn í dag, þá var Paul Pogba í byrjunarliðinu.