Kingley Coman kantmaður FC Bayern fór í aðgerð á hjarta í gær. Frá þessu greinir Julian Nagelsmann þjálfari FC Bayern.
Aðgerin sem Coman fór í er sögð smávægileg en Coman er 25 ára gamall franskur landsliðsmaður.
„Það var truflun í hjartslætti hans, það komu stundum aukaslög. Á köflum varð hann því andstuttur,“ sagði Nagelsman.
„Við tókum þess vegna ákvörðun um að hann færi í þessa aðgerð.“
Coman hefur gríðarlega hæfileika en hann hefur á sínum ferli verið gríðarlega óheppinn með meiðsli.
