Jamie Carragher telur að endurkoma Cristiano Ronaldo til Manchester United geti haft neikvæð áhrif á félagið.
Cristiano Ronaldo gekk til liðs við Manchester United frá Juventus undir lok félagsskiptagluggans í sumar. Hann spilaði sinn fyrsta leik fyrir United á laugardag þar sem hann skoraði tvö mörk.
„Hann er einn besti leikmaður allra tíma, engin spurning um það, en ég held samt að þetta gæti haft neikvæð áhrif á Manchester United,“ sagði Carragher við CBS sports.
Peter Schmeichel var með Carragher í stúdíóinu og var ekki sammála.
„Ég held að þú viljir bara að þetta hafi neikvæð áhrif, það er mikill munur á því. Þetta eru ein bestu félagsskipti sem félagið hefur gert í 10 ár og eitthvað sem stuðningsmenn hafa beðið eftir,“ sagði Peter Schmeichel.
Does Cristiano Ronaldo's arrival negatively impact Manchester United? 🤔
Jamie Carragher thinks so 🗣 pic.twitter.com/0affeye2UU
— Goal (@goal) September 9, 2021