Félög í ensku úrvalsdeildinni ætla ekki að virða bannið sem FIFA hefur sett á leikmenn. The Sun segir frá þessu.
Átta leikmenn frá Brasilíu sem spila í ensku úrvalsdeildinni fengu ekki að fara í sín landsliðsverkefni en það eru lykilmenn sinna liða. Þetta eru þeir Fabinho, Alisson og Bobby Firmino hjá Liverpool, Ederson og Gabriel Jesus hjá Manchester City, Thiago Silva hjá Chelsea, Fred, leikmaður Manchester United og Raphinha leikmaður Leeds.
FIFA ákvað þá að senda þessa leikmenn í bann. Félögin í ensku úrvalsdeildinni mótmæltu þessum aðgerðum kröftuglega.
Félögin funduðu í dag og voru öll 20 sammála um að leyfa leikmönnum að spila, ekkert félag ætlar að fara fram á refsingu þrátt fyrir að FIFA setji mennina í bann.
Þau eru sammála um að stíga ekki fram eftir helgi og krefjast þess að félögum sem nota leikmennina verði refsað.
