Fjöldi íslenskra leikmanna léku með sínum liðum erlendis í dag. Hér fyrir neðan er stutt yfirferð yfir það helsta.

Danmörk – Efsta deild karla

Jón Dagur Þorsteinsson var í byrjunarliði AGF sem gerði 2-2 jafntefli við OB. Aron Elís Þrándarson byrjaði hjá OB. Jón Dagur var skipt af velli á 70. mínútu en Aron lék allan leikinn.

OB er í níunda sæti deildarinnar með 7 stig eftir sjö leiki. AFG er í ellefta sæti með aðeins 3 stig eftir sjö leiki.

Markvörðurinn Elías Rafn Ólafsson var á varamannabekk Midtjylland í 2-0 tapi gegn Bröndby.

Midtjylland er í öðru sæti deildarinnar með 15 stig eftir sjö leiki.

Belgía – B-deild karla

Kolbeinn Þórðarson lék síðasta hálftíma leiksinsmeð Lommel í 2-2 jafntefli gegn Deinze.

Lommel er með 4 stig eftir fyrstu þrjá leikina í deildinni.

Ítalía – Efsta deild kvenna

Guðný Árnadóttir, leikmaður AC Milan, kom inn á sem varamaður þegar um 20 mínútur lifðu leiks í 4-0 sigri á Verona.

Þetta var fyrsti leikur deildartímabilsins. Sterk byrjun hjá Milan.

Ítalía – B-deild karla

Þórir Jóhann Helgason lék nánast allan leikinn fyrir Lecce í 1-1 jafntefli gegn Como. Brynjar Ingi Bjarnason sat allan tímann á varamannabekk Lecce.

Lecce er með eitt stig eftir fyrstu tvo leiki deildarinnar.

Mikael Egill Ellertsson kom inn á sem varamaður þegar um hálftími lifði leiks í 5-0 stórsigri Spal á Pordenone.

Spal er með 3 stig eftir fyrstu tvo leikina í deildinni.

Noregur – Efsta deild karla

Brynjólfur Willumsson kom inn á sem varamaður í blálokin í 2-0 sigri Kristiansund gegn Molde.

Lið hans er í fjórða sæti deildarinnar með 29 stig eftir sautján leiki.

Ari Leifsson lék allan leikinn með Stromsgodset í 0-1 sigri gegn Odd. Valdimar Þór Ingimundarson sat á varamannabekk Stromsgodset allan leikinn.

Liðið er í níunda sæti deildarinnar með 25 stig eftir sautján leiki.

Viðar Ari Jónsson lék allan leikinn í 5-0 tapi Sandefjörd gegn Sarpsborg.

Sandefjörd er í ellefta sæti deildarinnar með 21 stig eftir sautján leiki.

Alfons Sampsted spilaði allan leikinn fyrir Bodo/Glimt í 2-3 sigri gegn Tromsö.

Alfons og félgar eru á toppi deildarinnarm með 34 stig, stigi meira en Molde sem er í öðru sæti.

Samúel Kári Friðjónsson, leikmaður Viking, hafði betur gegn Hólmari Erni Eyjólfssyni, leikmanni Rosenborg, í Íslendingaslag. Leiknum lauk 2-1. Hólmar spilaði allan leikinn en Samúel kom inn á sem varamaður í hálfleik.

Bæði lið eru með 28 stig í fimmta og sjötta sæti eftir að hafa leikið sautján leiki.

Viðar Örn Kjartansson lék 75 mínútur með Valarenga í 3-1 sigri gegn Stabæk.

Lið hans er í sjöunda sæti deildarinnar með 26 stig eftir sautján leiki.

Rúmenía – Efsta deild karla

Rúnar Már Sigurjónsson skoraði og lagði upp í 4-1 sigri Cluj gegn FCSB.

Cluj er á toppi deilarinnar með fullt hús stiga eftir sjö leiki.