Annað smit hefur greinst í sambandi við fótboltamótið Rey Cup, og varðar smitið keppenda sem lék á sjálfu mótinu. Einstaklingurinn sem smitaðist lék í einum leik á mótinu, og er lið hans og mótherjans komið í sóttkví. Þetta kemur fram í tilkynningu.
Líkt og DV greindir frá í dag hafði eitt lið dregið sig úr leik á mótinu áður en það hóf leik á, en það var vegna smits hjá einstaklingi sem tengdist liðinu.
Í yfirlýsingunni segir að allar ákvarðanir varðandi aðgerðir séu teknar í samráði við almannavarnir og sóttvarnaryfirvöld og að stefnan sé að halda áfram dagskrá og skipulagi varðandi gistingu óbreyttu að sinni.
„Fyrst og fremst þykir okkur leiðinlegt að barn á mótinu sé smitað og að lið hafi þurft að kveðja okkur og hætta keppni. Hugur okkar er hjá þeim.“ stendur í yfirlýsingunni.