Wojciech Szczesny, markmaður Pólverja, var gripinn glóðvolgur að reykja sígarettu nokkrum klukkustundum fyrir leikinn gegn Spánverjum.
Pólski markvörðurinn hélt á sígarettupakka í höndinni þegar hann fór frá hóteli pólska liðsins í Sopot til Sevilla. Á leið inn í rútuna kveikti hann sér í einni.
Szczesny var gripinn við reykingar tvisvar þegar hann lék með Arsenal. Hann reykti í búningsklefa Arsenal eftir tap gegn Southampton á Nýársdag árið 2015 og var sektaður um töluverða upphæð. Hann spilaði ekki fleiri leiki fyrir félagið eftir það.
Hann hefur einnig verið gripinn við reykingar áður með pólska landsliðinu. Landsliðið hefur þó ekki tekið á þessum ósið. Hann opnaði sig um atvikið hjá Arsenal í hlaðvarpi á síðasta ári.
„Á sínum tíma reykti ég reglulega og stjórinn vissi það. Hann vildi bara ekki að neinn væri að reykja í búningsklefanum og ég vissi það líka.“
„Það voru miklar tilfinningar eftir leik og þess vegna fékk ég mér sígarettu. Það sá þetta einhver og sagði stjóranum frá því sem sektaði mig. Hann henti mér líka út úr liðinu í nokkra leiki.“