Norska undrabarnið Erling Haaland er á innkaupalista margra stórliða í sumar en hann átti frábært tímabil með Borussia Dortmund. Noregur komst ekki á Evrópumótið og því er Haaland í fríi.
Þessa dagana er hann á Mykonos í Grikklandi að hafa það náðugt ásamt vinum sínum. Það sást til þeirra borða kvöldmat ásamt Riyad Mahrez, kantmanni Manchester City, og skemmtu þeir sér konunglega. Mirror greinir frá.
Haaland hefur verið orðaður við Manchester City og er liðið í leit að framherja eftir að Sergio Aguero yfirgaf félagið í sumar. Spurning hvort Mahrez sé að reyna að draga hann til Englands.
View this post on Instagram