Stuðningsmenn enska landsliðsins sem kjósa að horfa á leiki liðsins á Evrópmumótinu á krám mega ekki syngja eða hrópa.
Þetta eru reglur sem eru settar á til að sporna gegn því að kórónuveirufaraldurinn dreifi sér á milli fólks á börunum. Það eru meiri líkur á því að smita út frá sér ef menn hækka róminn þar sem dropar úr munni geta þá farið lengra.
Það er spurning hvernig verður að fá enskar fótboltabullur til þess að virða þessa reglu. Þær eru vanar því að láta vel fara fyrir sér í kringum stórmót.
Enska landsliðið hefur leik á EM á morgun þegar það mætir því króatíska. Liðin eru í D-riðli mótsins ásamt Skotum og Tékkum.
