Knattspyrnuheimurinn nötrar eftir fréttir um það að toppliðin á Englandi, Spáni og Ítalíu ætli að stofna nýja evrópska Ofurdeild. Liðin sem um ræðir eru: Arsenal, Chelsea, Liverpool, Manchester City, Manchester United, Tottenham, AC Milan, Inter, Juventus, Atlético, Barcelona og Real Madrid.
FIFA, UEFA og deildirnar á Englandi, Spáni og Ítalíu hafa fordæmt plön þessara félaga og munu banna leikmönnum liðanna að taka þátt í keppnum á vegum sambandanna.
Það hefur vakið athygli á samfélagsmiðlum að Arsenal verði með í þessari Ofurdeild. Piers Morgan, einn þekktasti stuðningsmaður Arsenal, furðar sig á því að félagið hafi náð að koma sér í þetta.
Shocked & stunned by this new Super League of the ‘biggest & best’ teams in Europe.
How the hell have Arsenal managed to blag our way in?— Piers Morgan (@piersmorgan) April 18, 2021
Þá hafði Gary Neville þetta að segja á Sky Sports:
„Manchester United, Tottenham og Arsenal eru ekki einu sinni í Meistaradeildinni. Arsenal er algjörlega glataður klúbbur og halda að þeir hafi einhvern rétt á því að fara í evrópsku Ofurdeildina bara á fornri frægð.“
„Þetta er ógeðslegt. Dragið af þeim stig. Sektið þá. Refsið þeim.“
Absolutely spot on @GNev2!pic.twitter.com/3xowMfc9nC
— SPORTbible (@sportbible) April 18, 2021