Chelsea og Manchester City mæast í undanúrslitum FA bikarsins seinni partinn í dag. Gengi Chelsea hefur batnað umtalsvert eftir komu Tuchel til félagsins en samt sem áður eru þeir í dag 20 stigum á eftir Manchester City í deildinni og lofar Tuchel að svo verður ekki á næsta tímabili.
„Frá fyrsta degi á næsta tímabili ætlum við að elta Manchester City. Við ætlum að minnka bilið á milli liðanna. Það er markmiðið, “ sagði Tuchel á blaðamannafundi hjá Chelsea TV.
Áður en Tuchel tók við starfi hjá Dortmund fór hann út að borða með Pep Guardiola sem var þá á sínu öðru tímabili hjá Bayern.
„Það hafði mikil áhrif á mig. Þegar þú ert með Pep talarðu um fótbolta. Ég ætla ekki að fara nánar út í þetta en þetta spjall fjallaði um stöður leikmanna og hvað hann gerði hjá Barcelona. Hann útskýrði þetta fyrir mér og fór í gegnum taktík.“
Tuchel hefur ekki enn unnið Guardiola í knattspyrnuleik, hann komst nálægt því í úrslitaleik bikarkeppninnar 2016 þegar Dortmund tapaði gegn Bayern í vítaspyrnukeppni. Það er spurning hvort að Tuchel geti nýtt sér eitthvað sem Pep kenndi honum í leiknum á eftir?
