Fræga fólkið fylgist líka með fótbolta en með hvaða liðum í enska boltanum halda stjörnurnar? Í þessum hluta verður farið yfir hvaða stjörnur styðja félögin Manchester City, Leiceister City, Tottenham og Brighton

Manchester City – Gallagher bræðurnir og David Hasselhoff

Manchester City situr á toppi ensku úrvalsdeildarinnar og hefur átt góðu gengi að fagna undanfarin ár. Gallagher bræðurnir, Noel og Liam, hafa verið harðir stuðningsmenn liðsins í fjölda ára, löngu áður en Sheikh Mansour keypti klúbbinn. Þá er David Hasselhoff einnig stuðningsmaður liðsins og hefur oft mætt á völlin og stutt sína menn til dáða. Söngvarinn Pharrell Williams og ameríski fótboltamaðurinn Aaron Rodgers virðast einnig styðja bláa liðið í Manchester.

Leicester City – Gary Lineker

Leicester City hafa náð undraverðum árangri síðastliðin ár. Stjörnunar virðast þó ekki heillaðar af félaginu en helsta stjarnan sem styður þá er fyrrum leikmaður þeirra, Gary Lineker. Gary er talinn vera einn besti framherji í sögu Englands en vinnur nú á BBC við fótboltaumfjöllun. Einnig er hægt að nefna snókerstjörnuna Mark Selby og leikarann David Neilson en báðir eru þeir stuðningsmenn liðsins samkvæmt frétt givemesport.

Tottenham – Adele og JK Rowling

Liðin í London virðast vera vinsælust á meðal stjarnanna og er Tottenham dæmi um lið sem stjörnurnar eru hrifnar af. Adele er líklega frægasta stjarnan en hún mætir reglulega á leiki hjá liðinu og er harður stuðningsmaður. Þá var lag hennar, Hometown glory, að sögn samið um svæðið í kringum heimavöll liðsins. Þá segjast leikararnir Jude Law, Jason Sudeikis, Harry Potter höfundurinn JK Rowling, Avelino, Annie Mac, AJ Tracey og Dave Bautista öll vera stuðningsmenn liðsins.

Brighton – Fatboy Slim og Simon Cowell

Brighton er eitt af óvinsælustu liðum deildarinnar meðal stjarnanna. Tónlistarmaðurinn Norman Cook (Fatboy Slim) er einn af frægustu stuðningsmönnum félagsins og hefur oft spilað tónlist sína á vellinum. Þá heldur hinn umdeildi Simon Cowell einnig með félaginu, en hann segist þó hafa lítinn sem engan áhuga á fótbolta svo það er óvíst hvort að vond úrslit hjá Brighton hafi áhrif á hann.