Ole Gunnar Solskjær stjóri Manchester United hefur í fyrsta sinn tjáð sig um heimskupör Mason Greenwood á Íslandi. Þessi 18 ára drengur braut sóttvarnarreglur þegar hann bauð íslenskri stúlku upp á hótel sitt í Reykjavík.
Greenwood og Phil Foden úr Manchester City voru reknir úr enska landsliðinu vegna þess. ,,Að sjálfsögðu tala ég við Mason og ég hef rætt við hann, það sem við ræðum er okkar á milli. Drengurinn átti frábært tímabil,“ sagði Solskjær.
Hann bað Gareth Southgate þjálfara Englands um að velja ekki þennan 18 ára dreng, hann þyrfti að fá hvíld en Solskjær hefur haldið Greenwood frá sviðsljósinu. Hann hefur ekki fengið að ræða við fjölmiðla en gerði það með enska landsliðinu.
„Ég og félagið höfum lagt mikið á okkur að gefa Mason tíma innan vallar og halda honum utan fjölmiðla. Svo er tímabilið á enda og við fáum tveggja vikna frí. Ég reyndi að gefa honum frí, við báðum um að hann yrði ekki valinn.“
Solskjær er reiður út í Southgate og enska landsliðið fyrir að hafa ekki hlustað á sig og komið Greenwood í þessa stöðu.
,,Hann er síðan í hópnum og fyrsta sem þeir gera er að senda hann á fréttamannafund. Við höfum gert það sem við getum til að veranda hann. Ég hef gert það sem ég get til að hjálpa honum, hann verður í lagi þegar hann kemst í daglega rútínu.“