Félagið birti í dag myndir af treyjunni á Twitter-síðu sinni en leikmaður Liverpool, Curtis Jones, deildi myndum af sér og öðrum leikmönnum í treyjunni.
It’s here!!! The new kit has launched🔥🔥🔥 @nikefootball @LFC pic.twitter.com/n0wzuwgNIG
— Curtis Jones (@curtisjr_10) August 1, 2020
Eins og sjá má á myndunum hafa hönnuðir Nike ákveðið að koma græna litnum úr Liverpool merkinu í treyjuna. Það hefur ekki verið gert lengi og voru einhverjir stuðningsmenn Liverpool ósáttir með litinn þar sem þeir héldu fyrst að þetta svipaði um of til ljósbláa litarins í Manchester City treyjum. „Hræðileg treyja, af hverju er Manchester City blár á henni. Ég hata þetta. Ég ætla að spara peninginn minn á þessu ári og sleppa því að kaupa mér treyju. Þvílík og önnur eins leið til að fagna því að vera meistarar með svona glataðri treyju,“ sagði einn stuðningsmaður í athugasemdum tístsins.