Kai Havertz er með samkomulag við Bayer Leverkusen sem leyfir honum að yfirgefa félagið í sumar.
Þetta staðfesti Rudi Voller, yfirmaður knattspyrnumála félagsins, en hvað þetta samkomulag er nákvæmlega er ekki víst.
Havertz er einn efnilegasti leikmaður heims og er reglulega orðaður við Chelsea.
,,Það er ekkert sérstakt til að greina frá. Eins og er þá er hann okkar leikmaður,“ sagði Voller við Bild.
,,Við erum með okkar hugmyndir og vitum hvað hann gefur okkur. Ég persónulega vona að hann verði áfram í eitt ár.“
,,Við erum með samkomulag. Ef það gengur upp þá má hann fara í sumar.“