Kórdrengir tóku á móti Þrótti Vogum á Framvellinum. Markalaust var í fyrri hálfleik en skömmu eftir hlé náði Viktor Segatta að koma Þrótti yfir. 20 mínútum síðar náði Loic Mbang Ondo að jafna metin fyrir Kórdrengi en fleiri urðu mörkin ekki. Lokaniðurstaðan því 1-1 jafntefli.
Kórdrengir eru eflaust svekktir með niðurstöðuna þar sem þeir hefðu komist upp í fyrsta sæti deildarinnar með sigri en Haukar sitja þar með einu stigi meira en Kórdrengir.