Leikurinn byrjaði ekki vel fyrir Víking en Jason Svanthórsson skoraði fyrsta markið fyrir Aftureldingu á 5. mínútu. Aftureldingarmenn voru síðan fljótir að skora annað mark en það kom á 26. mínútu og var það Kristján Marteinsson sem skoraði það. Emir Dokara náði að minnka muninn fyrir Víking á 90. mínútu en Valgeir Svansson innsiglaði sigurinn fyrir Aftureldingu í uppbótartíma.
Á sama tíma tók Grindavík á móti Fram en Magnús Þórðarson kom Fram yfir á 36. mínútu. Gunnar Þorsteinsson jafnaði síðan metin fyrir Grindavík á 56. mínútu og fleiri urðu mörkin ekki. Mikið var um gul spjöld í leiknum en þrír leikmenn í hvoru liði fengu gult spjald.