Andy Robertson, leikmaður Liverpool, virðist vera hættur við að snúa aftur heim til Celtic í Skotlandi.
Robertson er einn besti vinstri bakvörður Evrópu í dag og vann deildina með Liverpool í ár.
Skotinn er uppalinn hjá Celtic og var það alltaf planið að snúa aftur til heimalandsins á endanum.
,,Ef þú hefðir spurt mig þegar ég var hjá Hull hvort ég vildi snúa aftur til Celtic þá hefði svarið verið 100 prósent já,„ sagði Robertson í hlaðvarpsþættinum Lockdown Tactics.
,,Nú er ég búinn að finna heimilið mitt hjá Liverpool og elska að spila hér. Ef ég gæti endað ferilinn hjá Liverpool þá myndi ég samþykkja það núna.“
,,Að spila fyrir þetta félag er magnað.“