Son Heung-min, fékk að fara heim til Suður Kóreu og til að sinna herskyldu á meðan kórónuveiran gekk yfir. Sú regla er í Suður Kóreu að fyrir 28 ára aldur þarf einstaklingur að sinna 21 mánuði í herskyldu. Son fékk hins vegar að sleppa við stærstan hluta af því eftir að Suður Kórea vann Asíuleikana árið 2018.

Hann fékk leyfi frá Tottenham til að halda heim og klára þetta á meðan ekkert var spilað á Englandi. Son útskrifaðist úr hernum á dögunum og fékk tíu í einkunn fyrir skotpróf sitt, alvöru skytta.

Hann segir það hafa verið gaman að eyða þremur vikum í hernum og naut þess að prufa eitthvað nýtt, hann er nú mættur heim til England og hefur leik með Tottenham um miðjan mánuðinn.

„Ég get ekki sagt frá öllu en ég naut þess að vera þarna. Þetta voru þrjár erfiðar vikur,“ sagði Son.

„Á fyrsta degi þá þektumst við lítið og þetta var skrýtið en við urðum nánir. Það voru tíu saman í litlu herbergi. Við urðum þvíð að verða nánir.“

„Við vorum að hjálpa hvor öðrum, þetta var skrýtið fyrst en stemmingin varð góð.“

Enski boltinn á 433 er í boði