Franskir fjölmiðlar segja frá því að PSG hafi áhuga á því að fá Paul Pogba miðjumann Manchester United til félagsins í sumar. Real Madrid er einnig með augastað á Pogba.
Zinedine Zidane þjálfari Real Madrid leggur áfram ríka áherslu á það að félagið fái Paul Pogba frá Manchester United. Zidane vildi fá Pogba síðasta sumar en félaginu tókst ekki að kokka fram tilboð sem heillaði Manchester United.
Zidane er sagður hafa ætlað að fá Pogba í sumar en kórónuveiran gæti haft áhrif á það. Óvíst er hvort Real Madrid hafi hreinlega efni á honum. Franskir miðlar segja frá því að Zidane hafi nú fyrir nokkrum dögum tekið upp símann og hringt í Mino Raiola umboðsmann Pogba, hann hafi látið vita af því að áhugi félagsins væri enn til staðar.
Samkvæmt fréttum í Frakklandi er Pogba sagður klár í að snúa heim til Frakklands en hann hefur í rúmt ár viljað losna frá Manchester United.
