Tímavélin:
Rúrik Gíslason, er þekktasti knattspyrnumaður Íslands ef maður tekur mið af fylgjendum á Instagram. Rúrik varð heimsfrægur á HM og er með yfir milljón fylgjendur á samfélagsmiðlinum. Rúrik var barnastjarna, hann var gríðarlegt efni og töldu flestir öruggt að hann myndi ná langt í fótbolta. Rúrik var gestur í Atvinnumennirnir Okkar á Stöð2 á síðasta ári.
Rúrik hélt í atvinnumennsku ungur að árum og fór þá til Anderlecht í Belgíu, þar leið honum ekki vel og kom heim árið 2005.
,,Ég var 15 ára að verða 16 ára, já það var mjög erfitt. Einmana, allir vinir mínir voru að byrja í menntaskóla og ég átti kærustu á Íslandi. Það var margt sem orsakaði það að ég fékk mjög mikla heimþrá, á endanum fékk ég brjósklos í bakið,“ sagði Rúrik í þættinum.
,,Ég fer svo aftur út 17 ára til Charlton.“
Rúrik varð heimsfrægur á HM í Rússlandi og það hefur orsakað það að starf hans sem fyrirsæta, gefur honum stundum hærri tekjur en fótboltinn. ,,Ég var með 36 þúsund fylgjendur á Instagram fyrir HM, kom heim með 1,3 milljón. Þetta var mega breyting, einhver leikkona frá Argentínu sem setti á Twitter, þetta fór að rúlla. Í síðasta mánuði, var ég með meiri tekjur fyrir fyrirsætustörf en fótbolta. Þetta getur skipt máli, mig langar að taka þátt í þessu.“
Hann blés á kjaftasögur þess efnis að frægð hans og frami trufli fótboltann, hann sé atvinnumaður í fótbolta, fyrst og síðast. ,,Ég er fyrst og síðast fótboltamaður, ég hef aldrei sleppt æfingu eða leik út af Instagram.“
Nektarmyndir og subbuskapur:
Rúrik var barnastjarna, hann var gríðarlegt efni og töldu flestir öruggt að hann myndi ná langt í fótbolta. Þessi skyndilega heimsfrægð Rúriks, hefur kosti og galla með sér og Auðunn Blöndal spurði hann meðal annars út í skilaboð á Instagram. ,,Hefur þú fengið sendar nektarmyndir?,“ spurði Auðunn, þennan huggulega knattspyrnumenn sem er með yfir milljón fylgjendur á Instagram.
,,Já, ég hef fengið mikið af allskonar myndum,“ sagði Rúrik og útskýrði svo mál sitt betur, þegar Auðunn gekk á hann.
,,Typpamyndir og píku, þetta er mjög óviðeigandi. Þetta er ókunnugt fólk, þetta bítur ekki á mig. Mér líður ekki illa yfir þessu, ég sé samt ekki ástæðu til þess að svara þessu neitt.“
Þessari frægð fylgja líka hlutir eins og að ókunnugt fólk banki á dyrnar á heimili Rúriks. ,,Ég kom til að sjúga á þér liminn,“ voru fyrstu orðin sem ókunnugur maður sagði, þegar Rúrik kom til dyra á heimili sínum.
Svoleiðis fólk hefur Rúrik lítinn tíma fyrir. ,,Ég sagði honum að ég myndi hringja í lögregluna ef hann færi ekki. Maður verður að fara varlega.“
