Leikmenn í ensku úrvalsdeildinni hafa sett af stað góðgerðarsamtök sem eiga að styrkja, sjúkrahúsin í landinu í baráttu við kórónuveiruna. Með þessu stíga leikmenn stórt skref en þeir hafa nú þegar safnað 4 milljónum punda, samkvæmt enskum blöðum.
Leikmenn á Englandi ætla ekki að taka á sig launalækkun en með þessu láta þeir gott af sér leiða. Jordan Henderson, fyrirliði Liverpool hefur farið fyrir verkefninu, en leikmenn voru ósáttir með hvernig félögin hafa pressað á þá að lækka laun sín.
,,Við viljum hjálpa eins og við getum, að peningarnir fari á réttan stað,“ sagði Marcus Rashford við BT Sport.
,,Þetta tók langan tíma og leikmenn ræddu málin, við töldum þetta vera bestu lausnina. Félögin styðja okkur, allir eru glaðir.“
Gylfi Þór Sigurðsson og Jóhann Berg Guðmundsson sem leika í deildinni, deildu báðir upplýsingum um þessa söfnun í gær.
#PlayersTogether pic.twitter.com/ap1cQzYlWc
— Johann B Gudmundsson (@Gudmundsson7) April 8, 2020