Guðni Bergsson, formaður KSÍ greindi frá því á Stöð2 Sport í dag að laun hans skerðist. Sambandið vinnur nú að því að fara yfir rekstur og lækka starfshlutfall starfsmanna.
Ljóst er að mikil skerðing verður á tekjum KSÍ vegna kórónuveirunnar og þess ástands sem hefur skapast vegna samkomubanns. Landsleikjum hefur verið frestað og óvíst er með framhaldið.
Sambandið var rekið með 28 milljóna króna halla á síðasta ári. ,Enginn mun missa starfið. Við erum með 16,5 manns á skrifstofunni. Meirihluti starfsmanna taka á sig skerðingu og fara í minna starfshlutfall. Við náum hagræðingu þar sem við teljum þörf á,“ sagði Guðni á Stöð2 Sport.
Laun Guðna eru 1.283.000 krónur á mánuði og auk þess nýtur hann bifreiðahlunninda að hámarki 150.000 krónur. Þau laun munu skerðast en Guðni mun áfram vinna fullt starf.
„Ég mun að sjálfsögðu taka skerðingu á mín laun þrátt fyrir að ég muni áfram vinna fullt starf,“