,,Þegar dregið var í riðla Þjóðadeild­ar­inn­ar í fót­bolta í fyrra­dag gat ég ekki stillt mig um að fagna þegar Eng­land var dregið í riðil með Íslandi. Og það gerðu fleiri í kring­um mig,“ skrifar hinn virti blaðamaður, Víðir Sigurðsson í Morgunblaðið í dag.

Ísland var dregið í riðil með Englandi, Belgíu og Danmörku. Þarna mætast Ísland og England í fyrsta sinn, frá sigrinum magnaða í Nice árið 2016. Um er að ræða magnaðasta sigur Íslands í knattspyrnu, á Evrópumótinu í Frakklandi.

Leikurinn hér heima fer fram í byrjun september og það á laugardegi, klukkan mun slá gleði. ,,En samt , Eng­lend­ing­ar eru á leið á Laug­ar­dalsvöll­inn í sept­em­ber. Þjóðadeild­in byrj­ar á leik Ísland og Eng­lands laug­ar­dag­inn 5. sept­em­ber. Full­komið,“ skrifar Víðir en áttaði sig svo á því, að hann verður ekki á landinu.

,,Eða hvað? Þegar leikja­dag­skrá­in birt­ist síðar um kvöldið fékk ég smá sjokk. Ég verð ekki á land­inu þegar Eng­lend­ing­ar koma loks­ins! Verð í síðbúnu sum­ar­fríi í sept­em­ber,“ skrifar Víðir en veltir því svo fyrir sér hvort COVID19-veiran loki landinu.

,,Eða hvað? Ætli landið verði ekki bara harðlokað vegna veirunn­ar um­töluðu. Öllum ut­an­lands­ferðum af­lýst! Þá næ ég leikn­um. Nei, þá kom­ast Eng­lend­ing­ar held­ur ekki hingað til að spila. Vit­leysa er þetta.“

,,Jæja, það er alla vega ljóst að ég mun ekki liggja á strönd­inni síðdeg­is laug­ar­dag­inn 5. sept­em­ber. Sá tími verður frá­tek­inn fyr­ir sjón­varps­gláp.“

Pistil Víðis má lesa hérna.