Garðar Örn Hinriksson, fyrrum knattspyrnudómari birti áhugaverðan pistil á vefsvæði sínu um helgina, þar hjólaði hann af krafti í einn virtasta dómara í sögu Íslands, Kristinn Jakobsson. Garðar var ómyrkur í máli og sakar Kidda Jak um að veita blaðamönnum afslætti.
Færsla Garðars vakti athygli en hann stóð ekki lengi við hana og eyddi henni af vefsvæði sínu.
Garðar sakaði Kristin um að veita fréttamönnum afslætti í kjöthúsi sem hann á og rekur, Garðar skrifaði pistil sinn út frá leik sem fór fram árið 2014 þegar Stjarnan vann FH í úrslitaleik um sigur í Pepsi deildinni. Leikurinn var rifjaður upp á Stöð2 Sport á dögunum.
,,Mér fannst þetta mjög spes, það er alltaf slæmt þegar menn koma með svona inn og eyða þessu út,“ sagði Mikael Nikulásson, sérfræðingur Dr. Football um þennan pistil Garðars.
Hjörvar Hafliðason rædd við Kristinn um málið. ,,Ég heyrði í Kidda og hann sagði að það væri ekkert rétt. Kiddi vild ekki vaða í einn eða neinn.“
Mikael fannst Garðar fara yfir strikið. ,,Þvílíkar blammeringar, þetta var bara hallærislegt. Af hverju kom þessi pistill ekki 2014?.“