Birkir Bjarnason var í byrjunarliði Brescia í kvöld sem mætti Napoli í Serie A.
Birkir og félagar byrjuðu vel gegn stórliðinu og voru með 1-0 forystu eftir fyrri hálfleikinn.
Napoli mætti þó sterkt til leiks í seinni hálfleik og var komið 2-1 yfir eftir níu mínútur.
Lorenzo Insigne gerði fyrra mark Napoli úr víti og Fabian Ruiz bætti svo við öðru í leik sem lauk 1-2.
Birkir spilaði 65 mínútur fyrir Brescia sem situr í næst neðsta sæti deildarinnar.
