Barcelona, tók á móti einu af toppliðum spænsku deildarinnar þegar Real Sociedad mættu til leiks á Nývangi í gær. Leikurinn endaði með 2-1 sigri Barcelona sem færist nær toppliðum deildarinnar. Real Sociedad komst yfir í leiknum. Þar var að verki Willian José sem skoraði fyrsta mark leiksins eftir stoðsendingu frá Portu á 27. mínútu.
Það tók Börsunga hins vegar ekki langan tíma að jafna leikinn. Á 31. mínútu jafnaði Jordi Alba leikinn og á 43. mínútu kom Frenkie De Jong, Börsungum yfir.
Fleiri mörk voru ekki skoruð í leiknum. Sigurinn færir Barcelona upp í 5. sæti deildarinnar. Antoine Griezmann var í byrjunarliði Barcelona en hárgreiðsla hans í leiknum vakti mikla athygli.
Griezmann var með fléttur í hárinu sem margir hafa haft gaman af því að ræða, greiðsluna góðu má sjá hér að neðan.
New look for @AntoGriezmann! ✂️#BarçaRealSociedad pic.twitter.com/hKpkP79JWq
— LaLiga English (@LaLigaEN) December 16, 2020