Það var líf og fjör í Meistaradeild Evrópu í gær. Manchester United vann 4-1 sigur á tyrkneska liðinu Istanbul Basaksehir. Leikið var á Old Trafford. Bruno Fernandes kom heimamönnum yfir með marki á 7. mínútu. Hann var síðan aftur á ferðinni er hann tvöfaldaði forystu United með marki á 19. mínútu.
Marcus Rashford bætti síðan við þriðja marki United úr vítaspyrnu á 35. mínútu. Á 75. mínútu minnkaði Deniz Turuc muninn fyrir Istanbul en nær komust gestirnir þó ekki. Daniel James innsiglaði 4-1 sigur United með marki á 92.mínútu
Paul Pogba miðjumaður Manchester United missti af öðrum leiknum í röð og er í raun óvíst hvenær hann getur spilað á nýjan leik.
Pogba hafði tekið þátt í æfingu liðsins á mánudag en eftir leik sagði Ole GUnnar Solskjær. „Ökklinn á honum bólgnaði upp aftur,“ sagði sá norski.
Donny van de Beek lék allan leikinn á miðsvæðinu og gerði vel, óvíst er hvort Pogba eigi afturkvæmt í byrjunarliðið á næstu vikum.