Spánverjar eru komnir í undanúrslit Þjóðadeildarinnar eftir 6-0 stórsigur á Þýskalandi í gær. Þetta er stærsta tap Þjóðverja í frá árinu 1931. Spánverjar þurftu sigur til að komast áfram en Þjóðverjum dugði jafntefli.
Ferrán Torres skoraði þrennu fyrir Spán og Morata, Rodri Hernández og Mikel Oyarzabal skoruðu eitt mark hver.
Þjóðverjar eru niðurbrotnir enda landsliðið þeirra vel mannað og krafan er að liðið vinni hvern einasta leik.
Joachim Löw hefur síðustu tvö ár reynt að byggja upp nýtt lið og útilokaði meðal annars leikmenn eins og Jerome Boateng og Thomas Muller.
Mesut Özil valdi sjálfur að hætta efitr HM 2018 en hann ráðleggur Löw að fá Boateng aftur inn í liið. „Tími til að taka Jerome Boateng aftur,“ skrifaði Twitter sérfræðingurinn, Özil um málið.
Özil fær að mæta á æfingar hjá Arsenal en hefur ekki fengið að spila síðan í mars, hann hefur síðustu vikur vakið athygli sem sérfræðingur á Twitter um öll helstu málefni fótboltans.