Víkingur Reykjavík hefur gengið frá samningi við Pablo Punyed en hann kemur til félagsins frá KR. Pablo skrifaði undir samning við Víking í dag.
Pablo er þrítugur fjölhæfur leikmaður sem er frá El Salvador en hann kom fyrst til Íslands árið 2012 og gekk í raðir Fjölnis.
Punyed lék með Fylki sumarið 2013 áður en hann gekk í raðir Stjörnunnar árið 2014 og varð Íslandsmeistari með liðinu.
Þessi öflugi leikmaður lék svo með ÍBV sumarið 2016 og 2017 áður en hann fór til KR þar sem hann lék með liðinu í þrjú ár.
Punyed var frábær framan af sumri í efstu deild karla. Í gær yfirgaf Finnur Orri Margeirsson herbúðir KR og gekk í raðir Breiðabliks.