„Hann er sigurvegari, hann er búinn að reynast nokkrum liðum mjög vel,“ sagði Arnar Gunnlaugsson þjálfari Víkings eftir að liðið hafði samið við Pablo Punyed til tveggja ára.

Miðjumaðurinn frá El Salvador ákvað að yfirgefa KR eftir að hafa mistekist að ná samkomulagi við stjórn félagsins.

„Hann er sterkur leikmaður, það eru mörk í honum. Hann er með þessa skemmtilegu blöndu. Hann er ljúfur utan vallar en léttur skíthæll á honum, í jákvæðri merkingu þess orðs.“

Arnar fagnar því að fá Pablo í raðir Víkings og telur að hann sé hátindi ferilsins, Pablo er þrítugur.

„Fyrst og fremst ánægður að hann hafi valið okkur, hann er á toppnum á leiknum sínum. Hann er að koma frá sínu besta tímabili á Íslandi. ÉG vænti mikils af honum, innan sem utan vallar.“

Viðtalið við Arnar er í heild hér að neðan.