Kristján Guðmundsson, þjálfari meistaraflokks kvenna hjá Stjörnunni framlengir samning sinn við félagið til tveggja ára.
„Það er gífurleg ánægja sem ríkir með störf Kristjáns og hlökkum við mikið til þess að fylgjast með þróun liðsins næstu ár.
Liðið endaði í 6. sæti í Pepsi-Max deildinni þetta árið og er stefnan sett ofar næstu tímabil,“ segir á vef Stjörnunnar.
Kristján er ansi reyndur þjálfari og hefur farið víða, hann var að klára sitt annað tímabil í Garðabænum.
Kristján hafði áður þjálfað karlalið Keflavíkur, Vals, ÍBV og fleiri liða áður en hann kom í Garðabæinn.
