fbpx
Mánudagur 23.nóvember 2020
433Sport

Vilja fjölga liðum hjá konunum – „Allir sammála um að þetta er ekki sanngjarnt“

Sóley Guðmundsdóttir
Föstudaginn 30. október 2020 22:30

Guðmunda í leik með KR. Mynd/Sigtryggur Ari

Ekki missa af Helstu tíðindum dagsins í pósthólfið þitt

Lesa nánar

Eftir að keppni var hætt í íslenskum fótbolta í dag liggur það fyrir að KR og FH falla úr efstu deild kvenna.

Guðni Eiríksson, þjálfari FH, og Jóhannes Karl Sigursteinsson, þjálfari KR, vilja báðir að fjölgun liða í deildinni verði skoðuð. Þetta sögðu þeir í viðtölum við fotbolti.net.

KR þurfti að fara þrisvar sinnum í sóttkví í sumar. Þar af leiðandi misstu þær úr fjölda æfinga. Einnig höfðu þær einungis spilað 14 leiki en flest önnur 16 leiki.

Jóhannes telur það góða lausn að fjölga liðum í deildinni um tvö. „Við vonumst til þess að því verði velt upp hvort 12 liða deild í kvennabolta sé eitthvað sem er möguleiki. Manni finnst eftir sumarið að það sé góður tímapunktur núna til að skoða þessa hluti. Að sjálfsögðu finnst manni eðlilegt að því sé velt upp,“ sagði Jóhannes við Fótbolta.net.

„Eins og mótið spilast í sumar þá finnst manni lítil sanngirni í því að sitja ekki við sama borð og aðrir, og maður áttar sig á því að KSÍ hefur ekki stjórn á því sem kemur upp. Heilt yfir, ekki bara fyrir okkur heldur mörg lið, þá er mótið ekki á jafnréttisgrundvelli og eðlilegt út frá þeim forsendum að hlutirnir séu skoðaðir og reynt að gera það sem hægt er að gera til búa til einhverja sanngirni úr þessu sumri,“ sagði Jóhannes.

Guðni Eiríksson, þjálfari FH, sagði við Fótbolta.net að niðurstaðan sé gífurleg vonbrigði. Hann vill, eins og Jóhannes, skoða möguleikann á 12 liða deild.

„Mér finnst þetta vera tímapunkturinn til að láta á það reyna að fjölga í tólf liða deild eins og karlarnir spila. Mér finnst það liggja við að sjá hvort það sé ekki grundvöllur fyrir því. Að skoða það út í ystu æsar finnst mér það sanngjarnasta í stöðunni.“

Guðna finnst að KSÍ hefði einnig mátt vera sveigjanlegra með lokadagsetningu mótsins. „Já mér finnst það hefði mátt skoða þessar dagsetningar og jafnvel spila áfram eftir áramót. Ég tel að það hefði veirð skynsemi í því að hafa aðeins víðari ramma en til 1. desember. Til þess að eyða þessari ósanngirni, það eru allir sammála um það að þetta er ekki sanngjarnt, en maður spyr sig af hverju,“ sagði Guðni við Fótbolta.net

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 9 klukkutímum

Þetta eru bestu markmenn enska boltans – Óvænt nafn á toppnum

Þetta eru bestu markmenn enska boltans – Óvænt nafn á toppnum
433Sport
Fyrir 10 klukkutímum

Lögreglan kölluð til eftir hótanir og að N-orðið var notað ítrekað

Lögreglan kölluð til eftir hótanir og að N-orðið var notað ítrekað
433Sport
Fyrir 12 klukkutímum

Þarf að svara til saka eftir að hafa þuklað á kynfærum hans í tvígang

Þarf að svara til saka eftir að hafa þuklað á kynfærum hans í tvígang
433Sport
Fyrir 13 klukkutímum

Þjóðin horfir mest til þess að fá erlendan þjálfara – Heimir með yfirburði af Íslendingum

Þjóðin horfir mest til þess að fá erlendan þjálfara – Heimir með yfirburði af Íslendingum
433Sport
Í gær

Íslendingar í Noregi: Lærisveinar Jóhannesar unnu mikilvægan sigur – Axel kom inn á í sigri

Íslendingar í Noregi: Lærisveinar Jóhannesar unnu mikilvægan sigur – Axel kom inn á í sigri
433Sport
Í gær

Hjörtur kom inn á sem varamaður í sigri Bröndby

Hjörtur kom inn á sem varamaður í sigri Bröndby
433Sport
Í gær

Pique frá í nokkra mánuði

Pique frá í nokkra mánuði
433Sport
Í gær

Sjáðu myndirnar: Mögnuð jólaskreyting á heimilinu- „Ég var hrædd“

Sjáðu myndirnar: Mögnuð jólaskreyting á heimilinu- „Ég var hrædd“