Phil Foden fær líklega að koma aftur inn í enska landsliðið í komandi verkefni en nýr hópur verður kynntur í næstu viku og ensk blöð fjalla um málið.
Foden var rekinn úr enska landsliðinu ásamt Mason Greenwood í Reykjavík í september eftir að hafa brotið sóttvarnarreglur þegar tvær íslenskar stúlkur mættu á hótelið þeirra.
Foden og Greenwood voru ekki valdir í enska landsliðið í október vegna þess en frábær frammistaða Foden ætti að tryggja endurkomu hans.
Ensk blöð segja ekki öruggt að Greenwood komi strax inn en hann er að komast aftur í gang eftir að hafa verið utan hóps.
Enska liðið mætir Írlandi, Belgíu og Íslandi í byrjun nóvember en Gareth Southgate velur hóp sinn um miðja næstu viku.