Virgil van Dijk varnarmaður Liverpool fór í vel heppnaða aðgerð í Lundúnum á dögunum og er bataferlið farið af stað. Liverpool segir frá þessu á heimasíðu sinni.
Van Dijk sleit krossband fyrir tæpum tveimur vikum í leik gegn Everton og verður frá í fleiri mánuði vegna þess.
Aðgerðin gekk hins vegar vel. „Van Dijk er einbeittur á að hefja bataferlið með hjálp sjúkrateymis Liverpool,“ segir á vef félagsins.
Félagið segir engan tímaramma vera til staðar um hvenær Van Dijk verður leikfær aftur en flestir búast við því að það verði ekki fyrr en á næstu leiktíð.
Van Dijk hefur verið besti varnarmaður ensku úrvalsdeildarinnar síðustu ár og er blóðtakan því gífurleg fyrir Liverpool.
Enski boltinn á 433 er í boði 
