Annarri umferð í riðlakeppni Meistaradeildar Evrópu lauk í kvöld. Manchester United vann 5-0 stórsigur á þýska liðinu RB Leipzig þar sem Marcus Rashford skoraði þrennu. Þá vann Barcelona með Lionel Messi í fararbroddi 0-2 útisigur gegn Juventus.
Í H-riðli vann Manchester United 5-0 sigur gegn þýska liðinu RB Leipzig, leikið var á Old Trafford í Manchester. Mason Greenwood kom heimamönnum yfir á 21. mínútu, staðan í hálfleik var 1-0. United gekk á lagið í seinni hálfleik. Rashford skoraði tvö mörk með tveggja mínútna millibili á 76. og 78. mínútu. Það var síðan Anthony Martial sem kom United í stöðuna 4-0 með marki úr vítaspyrnu á 87. mínútu. Marcus Rashford fullkomnaði síðan þrennu sína með marki á 90. mínútu og innsiglaði 5-0 sigur United. Liðið er með fullt hús stiga í 1. sæti riðilsins eftir tvær umferðir. RB Leipzig er í 3. sæti með 3 stig.
Í G-riðli vann Barcelona sterkan útisigur gegn ítölsku meisturunum í Juventus sem léku án Cristiano Ronaldo. Ousmane Dembele kom Barcelona yfir með marki á 14, mínútu. Juventus fékk vítaspyrnu á 55. mínútu, Alvaro Morata tók spyrnuna en brást bogalistin. Á 85. mínútu fékk Merih Demiral, leikmaður Juventus, sitt annað gula spjald og þar með rautt. Fimm mínútum síðar innsiglaði Lionel Messi 0-2 sigur Barcelona með marki úr vítaspyrnu. Barcelona er í 1. sæti riðilsins með 6 stig, Juventus er í 2. sæti með 3 stig.
Í hinum leik G-riðilsins tók Ungverska liðið Ferencvaros á móti Dynamo Kyiv. Dynamo Kyiv komst í stöðuna 0-2 með mörkum á 28. og 41. mínútu. Á 59. mínútu minnkuðu heimamenn í Ferencvaros muninn og það var síðan Franck Boli sem jafnaði metinn fyrir Ferencvaros og tryggði þeim jafntefli. Liðin sitja eftir leikinn í þriðja og fjórða sæti riðilsins með 1 stig.
Í F-riðli tók þýska liðið Borussia Dortmund á móti rússneska liðinu Zenit frá Pétursborg. Jadon Sancho kom Dortmund yfir með marki úr vítaspyrnu á 78. mínútu. Það var síðan norðmaðurinn Erling Braut Haaland sem innsiglaði 2-0 sigur heimamanna með marki á 90. mínútu. Dortmund er eftir leikinn í 3. sæti riðilsins með 3 stig. Zenit er í 4 sæti með 0 stig.
Club Brugge og Lazio gerðu 1-1 jafntefli í hinum leik F-riðilsins. Joaqin Correa kom Lazio yfir með marki á 14. mínútu. Á 42. mínútu jafnaði Hans Vanaken metin fyrir Club Brugge. Fleiri mörk voru ekki skoruð. Lazio er eftir leikinn í 1. sæti riðilsins með 4 stig, Club Brugge er í 2. sæti einnig með 4 stig.
Í E-riðli vann spænska liðið Sevilla, 1-0 sigur á franska liðinu Rennes. Eina mark leiksins var skorað á 55. mínútu og þar var að verki hollendingurinn Luuk De Jong. Sevilla er eftir leikinn í 2. sæti riðilsins með 4 stig. Rennes er í 3. sæti með 1 stig.
H-riðill
Manchester United 5 – 0 RB Leipzig
1-0 Mason Greenwood (’21)
2-0 Marcus Rashford (’76)
3-0 Marcus Rashfor (’78)
4-0 Anthony Martial (’87, víti)
G-riðill
Juventus 0 – 2 Barcelona
0-1 Ousmane Dembele (’14)
0-2 Lionel Messi (’90, víti)
Ferencvaros 2 – 2 Dynamo Kyiv
0-1 Viktor Tsigankov (’28)
0-2 Carlos De Pena (’41)
1-2 Tokmac Chol Nguen (’59)
2-2 Franck Boli (’90)
F-riðill
Borussia Dortmund 2 – 0 Zenit
1-0 Jadon Sancho (’78, víti)
Club Brugge 1 – 1 Lazio
0-1 Joaquin Correa (’14)
1-1 Hans Vanaken (’42
E-riðill
Sevilla 1 – 0 Rennes
1-0 Luuk De Jong (’55)