Ole Gunnar Solskjær, þjálfari Manchester United, segir að Donny van de Beek muni spila stórt hlutverk hjá liðinu í vetur. BBC segir frá. Donny var keyptur til United í byrjun september.
Donny hefur einungis byrjað tvo leiki af þeim sjö sem hann hefur komið við sögu í, báðir í ensku bikarkeppninni.
„Það segir margt um hópinn okkar og gæðin að við þurfum ekki að nota hann í hverjum leik. Það segir allt um metnað okkar.“
Spiltími Donny hjá United er orðinn að umtalsefni í sjónvarpi á Englandi. Patrice Evra og Jamie Carragher spyrja hvers vegna hann var fenginn til United sérstaklega í ljósi þess að úrval miðjumanna er nægt hjá liðinu.
Manchester United tekur á móti Leipzig í Meistaradeildinni annað kvöld. Það verður spennandi að sjá hvort að Solskjær noti Donny í leiknum.