Real Madrid vann 1-3 sigur á Barcelona í leik sem jafnan er nefndur El Clasico í spænsku úrvalsdeildinni. Leikið var á Camp Nou í Barcelona.
Real Madrid komst yfir strax á 5. mínútu. Markið skoraði Federico Valverde eftir stoðsendingu frá Karim Benzema.
Leikmenn Barcelona voru hins vegar fljótir að svara fyrir sig. Aðeins þremur mínútum eftir mark Real Madrid var Ansu Fati búinn að jafna metin fyrir Börsunga.
Þannig stóðu leikar allt þangað til á 63. mínútu þegar Real Madrid fékk vítaspyrnu. Sergio Ramos, fyrirliði Real tók spyrnuna og skoraði fram hjá Neto í marki Barcelona.
Luka Modric innsiglaði síðan góðan sigur Real með marki á 90. mínútu.
Fleiri mörk voru ekki skoruð 1-3 sigur Real Madrid staðreynd.
Real er eftir leikinn í 1. sæti deildarinnar með 13 stig eftir 6 leiki. Barcelona er í 10. sæti með 7 stig eftir 5 leiki.
Barcelona 1 – 3 Real Madrid
0-1 Federico Valverde (‘5)
1-1 Ansu Fati (‘8)
1-2 Sergio Ramos (’63)
1-3 Luka Modric (’90)