KSÍ hefur staðfest frétt okkar frá því fyrr í dag um að æfingar meistaraflokka á höfuðborgarsvæðinu séu með öllu heimilar eftir bann síðustu vikna.
Meira:
Grænt ljós á æfingar liða á höfuðborgarsvæðinu – Þetta eru reglurnar sem fara þarf eftir
Yfirlýsing KSÍ:
KSÍ hefur fengið staðfest í dag, miðvikudag, frá heilbrigðisyfirvöldum og ÍSÍ að meistaraflokkar (nánar tiltekið leikmenn fæddir 2004 og fyrr) á höfuðborgarsvæðinu geti æft með skilyrðum.
Skilyrðin eru þessi:
Engar snertingar milli einstaklinga.
2 metra nándarmörk.
20 manns að hámarki í hverju hólfi.
Allur búnaður sótthreinsaður fyrir og eftir æfingar (boltar og annað).
Bolta má senda á milli ef ekki snertur á milli með höndum ólíkra aðila.
Einstaklingar sem ekki eru beinir þátttakendur í æfingunni (aðrir en leikmenn og þjálfarar) skulu nota andlitsgrímur.
Öðrum hefðbundnum sóttvörnum skal fylgt (ekki hrækja eða snýta, ekki deila vatnsbrúsum, o.s.frv.).