Mesut Özil miðjumaður Arsenal neitaði að fara frá félaginu í sumar, breytti þar engu um að hann væri ekki í myndinni og væri ekki að fara að spila neitt.
Özil hefur ekki komið við sögu hjá Arsenal síðan í mars og Mikel Arteta mun ekki nota hann í bráð, Özil er samningslaus næsta sumar og ætti þá að yfirgefa Arsenal.
Líklega er stærsta ástæð þess að Özil fór ekki í sumar sú staðreynd að hann fékk 1,5 milljarð í bónus fyrir að vera áfram leikmaður félagsins í september.
Í samningi Özil við Arsenal var ákvæði um greiðslu upp á 8 milljónir punda ef hann væri enn leikmaður Arsenal í byrjun september árið 2020.
Þýski miðjumaðurinn fær svo rúmar 60 milljónir í föst laun í hverri viku, hann þarf lítið að spila fótbolta en bankabókin hefur líklega aldrei litið jafn vel út.
