Það eru allar líkur á því að Tahith Chong sé að kveðja Manchester United eftir fjögur ár hjá félaginu.
Chong er 20 ára gamall miðjumaður en hann fær fá tækifæri á Old Trafford og gæti verið á förum.
Umboðsmaður hans Erkan Alkan staðfesti þær fregnir í gær.
,,Ole Gunnar Solskjær er með öðruvísi skoðanir á Tahith en stjórn félagsins. Stjórinn hugsar um sig og ég hugsa um minn leikmann,“ sagð Alkan.
,,Hann er á stað þar sem hann telur sig hafa staðnað. Þá er kominn tími á að leita annað.“
,,Næsta félag hans þarf að vera með gott plan fyrir hann svo að Tahith geti þroskast í góðu umhverfi.“