KR-ingar eru fallnir úr leik í Evrópudeildinni eftir svekkjandi tap í Eistlandi gegn Flora Tallinn
Rauno Sappinen kom Flora Tallinn yfir á 6. mínútu. Ægir Jarl kom boltanum í netið fyrir KR-inga á 12. mínútu en markið var ranglega dæmt af vegna rangstöðu, hreint út sagt óskiljanlegur dómur.
Michael Lilander tvöfaldaði forystu heimamanna á 37. mínútu. Brekkan varð enn brattari fyrir KR-inga á 58. mínútu er Ægir Jarl fékk að líta sitt annað gula spjald og þar með rautt.
KR-ingar neituðu hins vegar að gefast upp. Kristján Flóki Finnbogason minnkaði muninn fyrir þá á 73. mínútu. Nær komust þeir þó ekki. Flora Tallin fór með 2-1 sigur af hólmi og heldur því áfram í næstu umferð Evrópudeildarinnar
Flora Tallinn 2 – 1 KR
1-0 Rauno Sappinen (‘6)
2-0 Michael Lilander (’37)
2-1 Kristján Flóki Finnbogasson (’73)
Rautt spjald: Ægir Jarl (’58)
